وياناااا البرد و يانااااا .....

يالله ما بقى شي ويخلص لشتى :(
بس يالله على الاقل لبسنى شوية شتوي لووول

باجر اخر يوم حق البرد للاسف : (

و انصدمت اكثر : (

هذا الموضوع تابع للموضوع الموضوع القبله

المهم و احنا قعدين في نفس القهوه

شفنا اشكال و ارناق

المهم في عوايل قاعدين عادي مثلنا و مثل غيرنا

و في بنات بروحهم قاعدين يشربون شيشا

و شباب وبنات

و مواهد .. مغازل ... يهال مقطوطين ما يدرون عنهم أهلهم

هم شفت بنات يتمشون مع بعض .....

المهم الي لفت نظري اكثر من شي

1- في مجموعه من البنات الي شعرهم بوووووووي .. قاعدين يتمشون مع بعض في هذا المكان العام ( يعني مليان ناس )

أول شي صوتهم عالي وصراح مع بعض شي يلفت الانتباه

ثاني بنتين نت الشعرهم بوي حده ادخلوا الحمام و اطلعوا من الحمام ( و انتوا بكرامه ) لابسين حجابات .... @@ ؟؟؟ !!!!

أقول حق اختي كانوا متحجبات .؟ اتقول لأ

الله يهدي بناتنا و يستر عليهم أميين .. ويبعد عنهم وساويس الشيطان وعيال السوووء .....



2- اليهال الموجودين بدون اهل ولا شي ... في بنت صغيره كانت طول الفتره اتحوس لدرجه شكينا انها ضايعه لأنها اتروح بعييييد و ترجع ... و بروحهاا ..... لحقتها اشوشوي جان الاقي اهلخا قاعدين اخر الشارع : ( يعني لا سمح الله البنت صار فيها شي و اهيا ما يتجاوز عمرها 4 سنين ... مو حرام يعني البنت يصير فيها شي ولا المصيبه كل اهلها موجودين و قاعدين يشيشووون و ناسين اعيالهم

وبعدييين يقعدون يتبجبجون في المخفر بنتنا ضاعت و بنتنا باقوهااا .....


طبعا كان في وايد اشياء بس شنو اقول و شنو اخلي .... شي يشيب منه الرااس

بس هم كان في اشياء حلوى

في ابو الظاهر ميمع اعيال العايله كلهم ماشااااء اللله ربي يزيد و يبارك

المهم كلهم و يلعب وياهم بالتراب و نسمع ضحكاتهم ... اي جذي الناس تستانس اشويه

و هم ناس يمارسون الرياضه معنه البحر رايح كان ( يا جزر يا مد ) لوول ما ادري شنو اسمائهم

و يعطيكم العافيه : )

أبي ألعب :( ..... وانصدمت ......

مساء الخير شلونكم ... اليوم موضوعي يتكون من موضوعين ....

أول موضوع ... كنا أمس رايحين أحد المقاهي الي بجانب المجمعات المخصصه للعائلات ... المهم رحنا عشان بنت اختي مشتهيه تلعب " ابي ألعب " المهم رحنا الالعاب كانت فاضيه اشويه .... و لما يعرف السبب يبطل العجب

انا هل مره ما ابي اتكلم ابي الصور تتكلم بدالي
أبييكم اتشوفون الالعاب الي المفروض اليهال يلعبون فيها ......

يعني يعتبر المكان الي رايحيله مكات ترفيهي مع الجو الحلو .. بروده خفيفه





اشرايكم بهل صور ؟؟

لا اتقولو العاب جمعية داثره ولا منطقه مافيها احد

بالعكس هل مكان ماشاء الله ما يفضى من الناس .... بس ليش يخلون الالعاب جذي ؟؟؟

سواء للمقيمين أو للمواطنين ؟؟

مسجات مالها داعي ..... BB

صباح الخير شلونكم شخباركم : )

المهم اليوم بتكلم عن شي صج صج لافت انتباهي من قبل فتره ...

تقريبا كل الي في الكويت يا عنده BB او IPHONE
طبعا هذا مو موضوعي .. علينا بستييين الف عافيه : ) بعد شباب ولازم نتكشخ

بس المهم .. ليش هل مسجات قليلة الادب ؟؟؟!!! نكت وصخه ... كلمات وصخه ؟؟؟ مسجات حب طايح حظها ؟؟ يعني لدرجه حتى مسجات عن العنوسه ؟؟ يعني البنت ما تحتاج ريال ... الزمن تغير ؟؟؟

يا جماعه لاحظوا المسجات تره كلها غلط .... أنا للأسف ما سيفت المسجات الي توصلني ..

أوك كلنا نبي نضحك ... في نكت اضحك و محترمه ... بس اشماله قلة الادب تدخل بالنص ؟؟

و الموجه اليديده .... البنت في الزمن القديم محطيه بالرجال مما ادى الى نوع من انواع الايستحاء اما الان لا تستحي البنت لأنه الزمن لا يوجد به رجال ؟؟؟!!!!!!!!!
تكفون يعني .... كل وحده عبالها قويه و محد يقدر عليها لما اطرش هل مسجد .. والله ما اقول الا هل مسج انتي امطرشته لأنج ما اتقومين و تقعدين الا بطراق وتسفل ....

ناس فيهم نقص و يطرشون هل مسجات

و غير الي عبالها دينه ... و 24 ساعه مسجات دينية و اهيه ما ادل الجبله بعد .....

و الناس الي بس يطرشون اي شي يوصلهم .... يعني عادي بالدقيقه الوحده اتلاقي هذا الشخص يطرش مسج و وراه مسج و وراه مسج و يظل يطرش كل شي يوصله

و كله المسجات عباره عن صباح الخيير ... خو درانا صباح الخييير ... و بعدييين ؟؟؟!!!!

شي يلوع الجبد

يعني صج مرات احسن لا اطب التكنلوجيا في ايدنااا لأنه نستخدمها بشي خطأ و غبي بعد

تره الحين حتى الياهل عنده IPHONE OW BB

يعني اشماله التشيييحط ؟؟؟؟

ولا اتلاقي أول ما تدخل مجمع كل وحده حاطه راسها بالتلفوون ..... خلوووه بالجنطه او حتى في ايدكم ماله داعي امنزله راسج 24 ساعه ومنزل راسك

ولا كل ما رن صوت البيبي اتلاقيها انقزت من مكانها ....

ولا الموجه اليديده الي اطرش المسج ( نبي انعرف منو اكثر منطقه عندها بيبي ؟؟؟؟!! وبعدين ؟؟ كل واحد او وحده اتحط نجمه جدام اسم منطقتها ...... اكثر دوله عندها بيبي ..... اكثر واحد او وحده اتحب برشلونه ؟؟؟ ما يبون يداومون باجر ؟؟؟؟ الخ من هل سخافه ...... ) بعرف شي وبعدييييييييين ؟؟؟؟ درينا و بعدييين ؟؟؟؟ شي ينرفز

و غير الي تتشاحط بعايلتها او عايلته ....... تكتب مسج اشطوله و عرضه عبالي توصف مكان شخص له مكانه مرموقه ........ اخر شي تكتب بنت ....... ونعم .... ولد ..... ونعم

وبعدين يعني احنا عيال منو ؟؟!!! البطه السوده .......


صج مرات اشوف الشعب الغربي احسن منا ابوايد بهل اشياء .....


يالله الله كريم

بس حبيت اكتب الشي الي مزعجني : ' (

سوق اليمعه

كله نسمع فيه ... سواء الي رايحه والي مو رايحه ...

و هم انقول كلمه ( سوق اليمعه ) لما انلاقي تجمع ناس في مكان معين بطريقه همجيه سيده راح انقول ( سوق يمعه حشه )

بس هل رحنا سوق اليمعه ؟؟!!

أنا وحده شخصيا .. يالي فضول .. ابي اعرف شنو هذا السوق ...

طبعا سألت و يمعت معلومات و طلع مو بس يفتح اليمعه ( يفتح الخميس ويمعه وسبت )

بالله ليش اسمه سوق اليمعه ؟؟!! ما عرفت الجواب لما الحين : )

المهم السبت الي طاف رحت ( قالولي اخف من يوم اليمعه و الخميس )

المهم دخلت هل سوق .. سوق كبير وايد .. وله اسماء غريبه مثل ( بوابه 34 ... 345 ..45 .. ب34 ... الخ )
يعني عباره عن ارقام و رموز .. ماا دري هذا ليش يمكن عشان الناس ما اضيع ...

المهم أول شي شفته مكان شعبي .. حده حلو محوط عشان لحد يدخل فيه ... عباره عن كل شي شعبي و حتى حاطين اغاني شعبيه ...
و مجسمات و وايد اشياء .....

طبعا السووق عباره عن ( blocks ) قطع مدوره .... مكان فيه زل .. ومكان فيه اثاث ....

أما المكان الي بالنص ( حدث ولا حرج )

انا انصدمت .... ( اللهم الف الحمد والشكر للنعمه الي انعمتها علينا )

بصراحه اول مره ادمع عيني لما اشوف هل منظر ... هو عباره عن اغراض مكسره ... و اغراض ما ادري من ويين يعني كل واحد اييبله اشياء ويبيعها .. اي شي جبالي اخذه و ابيعه ..

يعني البسطه الوحده فيها ملابس جناط جواتي العاب اكسسوارات منزليه تلفوتات ادوات صحيه ادوات مطبخه ..... الخ

طبعا كل بسطه فيها بس قطعه وحده من الشي المعروض ... يعني الله اعلم يا مبيوق يا ميمعينه من اماكن ... او مرات ايون عمال يشترون المستعمل ويبيعونه

المهم أنا شفت الناس الي تشتري اكيد هل ناس محتاجين و ولا لديهم الامكانيه انه يشترون اليديد .. يعني كل واحد وبازاته .....

يعني هذا السوق حق الناس دخلهم محدود .. يعني الي ما يقدرون يروحون ( الافنيوو __ شرق __ مارينا __ المهلب __ بلازا__) الخ

يعني على قدهم ...

فحبيت ابين في هذا الموضوع .. انه سوق اليمعه مو شي عيب ولا شي غلط ولا الناس الي يروحولهاا ( cheape ) ناس محدودين الدخل سواء كويتين او غير كويتين ... بس مو معنات هذا انه اهم هلاقه .. لأنه هذا المتداول على سوق اليمعه

فحبيت ابين في هذا الموضوع ... سوق اليمعه

وسوري ما قدرت اصور لأنه ما عندي تصريح حق التصريح و ما اقدر اصور المكان هناك
ساره : )

سلام ... تحيه خفيفه مني حكم : )

السلام عليكم ....

حبيت ابدي مدونتي بطريقه متعودين عليها كلنا ... تعريف منو انا و ليش سويت مدونه .....

اول شي حبيت اسوي هل مدونه لأني أحب اكتب .. بصراحه ما كنت احب اكتب ... بس الحين عشقت شي اسمه القلم ... لدرجه انه خطي صار احسن ( لول ) ... المهم مو هذي النقطه الاساسيه : )

صرت احب اعبر عن المشاعر و احاسيس الي داخلي من خلال والورقه و القلم ... من خلال الكتابه أو حتى من خلال الصوت

هناك مشاكل كثيره نواجهها في الحياة ولكن لا يوجد مستمع ... أو بالاصح لا يوجد شخص يفهم المشكله
كلمن يرى المشاكل التي تهمه فقط ... فنحن لا نرى مشاكل غيرنا من الناس ... طبعا هذا مو عيب .. هذي صفه الانسان على قولتنا

( يالله نفسي ) : ) الواحد في هذا الزمن يالله نفسه وهم مو سالم

( شفتوا شلون الحجي يجر حجي ثاني .... ) جذي حبيت الكتابه ....


معاكم ساره طالبه في قسم الاعلام ... تخصص اذاعه وتلفزيون
عمري 20 .. في بداياتي الاعلاميه

انشالله اتكون صفحتي خفيفه عليكم .....